Medrasow Kowethas an Yeth Kernewek yw dasserghi, sostena hag avonsya Kernewek avel rann vyw a wonisogeth Kernow, dre:
Kowethas an Yeth Kernewek a striv dhe wruthyl kemeneth yethek sewen ha tirwedh wonisogethel, le may fo Kernewek chersyes ha kewsys gans henedhow a dheu.
An Kowethas yw Kowethyans Ynkorfys Alusenek (niver alusen 1195856) ha’y arghans yw drehevys dre nebes grontow, eseleth, gwerthow ha rohow. Ny’n jeves an Kowethas tu parti politek. An Kowethas yw eseli a ELEN European Language Equality Network.
Klew! yw lyther nowodhow dyllys pedergweyth y’n vledhen gans an Kowethas. Skrifys yw yn Sowsnek rag pubonan, y’ga mysk tus na wor Kernewek hwath, hag ynno yma manylyon a-dro dhe ober an Kowethas ha hwarvosow ow tos.
Omma y hyllir aga iskarga:
Yma kottha Klew! omma
Agan junya, mar pleg, rag skoodhya agan ober gans Kernewek. Yma moy manylyon a-dro dhe dewisyow eseleth ha prow eseleth omma. Ty a yll prena eseleth yn agan gwerthji warlinen omma, po der ebost po dre bost.
Dres henna, an gwella skoodhyans a yllowgh ri yw usya Kernewek kemmys hag yw possybyl y’gas bewnans, dh’y wul mar weladow dell vo possybyl dhe geniver tus dell vo possybyl.
Kewgh dhe Glassow, dyskewgh warlinen, kewgh dhe Yeth an Werin, dewgh dhe hwarvosow, haylyewgh tus gans Kernewek, scrifewgh kartennow yn Kernewek, gorrewgh dynarghow Kernewek war ebostow, gwariewgh gans fleghes yn Kernewek, gwrewgh fylmow ha gwydhyow yn Kernewek.
