Description
Kuntel meur y vaystri a hwedhlow yn Kernewek. An lyver a yssyns an hwedhlow ‘A Vo Den’, ‘An Anwodhvos’, ‘Demelsa Nankarrek’ ha ‘Fell yw an Nos’. Gwiw yns i rag redyoryon orth an peswora gradh hag a-ugh.
‘A Vo Den’ a wovyn pyth yw an styr a vos gour yn bys noswikoryon, boghosogneth ha’n strif a dreusvewa hag a drovya styr ha maseth yn Kernow istorek. Pan verow tas Kitto Lanyon a-dhistowgh, herdhys yw ev y’n rol a wer an mayni orth oos yowynk, ow skoodhya y vamm truedhek. Pandr’yw res rag treusvewa? A wra ev omgelli po omdrovya?
Settys yn Kernow a’n 20ves kansvledhen a-varr, ‘An Anwodhvos’ yw drolla kevrinek a hwarvosow koynt, yn kynsa orth seans yn bagas a spyrysegydhyon orth plas Arlodhes Trang, mes yn skon y’n gemeneth efanna, yn hy mysk orth an cinema yn fylm gwelys gans bush bras a dus. Gans meur a banyk, omvyskys yw an governans. Pyth yw skila an browagh ma?
Ow hwarvos y’n 19ves kansvledhen, ‘Demelsa Nankarrek’ yw presentys avel dydlyvrow mowes an titel ha pronter nowydh an treveglos, Jermyn Hocken. Yw hemma hwedhel kerensa po neppyth moy tewl? Pyth usi Demelsa hweg ow towlenna hag yw gorgemeryans Jermy gensi gwiw rag klorek?
‘Fell yw an Nos’ yw drolla an 18ves kansvledhen. Syrr Lokryn, perghennek tir ha breusyas leel, yw maylys hwath yn galar yn kever mernans y wreg, mamm y dhew flogh Gweniver ha Pyran. Yw an jujments gwandrus a re ev orth drogoberoryon leel dhe vos askrifys orth duwon hepken po stumm fell y nas? Py effeyth a vydh war an gemeneth, y vrys ha hogen y deylu?
Skrifys gans John Richards ha dyllys gans Kowethas an Yeth Kernewek. 228 folen.
