Description
“An Tas a nev y’m gelwir,
formyer puptra a vydh gwrys.
Onan ha tri on yn hwir,
an Tas ha’n Mab ha’n Spyrys;
ha hedhyw my a dhesir
dre ow gras dalleth an bys.
Y lavarav, nev ha tir
bedhens formyes orth ow brys.”
Origo Mundi (Devedhyans an Bys) yw dydh onan a’n Ordinali, tri gwari mysteri kresosel a’n 14ves kansvledhen dhiwedhes. Warbarth, yth yns i drama an kottha a Vreten Veur. Skrifys veu an gwariow yn Kernewek Kres, gans kevarwodhyow gwariva yn Latinek. Remenant an Ordinali yw Passio Christi ha Resurrexio Domini.
Skrifys yw an gwari yn 2,846 linen a wers, arrayys yn linennow a seyth ha peder syllaben. Y talleth gans Gwrians an Bys, Kodh Denses, ha Cain hag Abel, sewys gans drehevel an Ark ha’n Liv; hwedhel temptyans Abraham a dhege an kynsa rann. An nessa a re dhyn istori Moses, ha’n tressa a represent hwedhel David ha drehevel Templa Solomon.
Origo Mundi syns ynno an gwari leun y’n Furv Skrifys Savonek a Gernewek arnowydh, treylyans Sowsnek ha gid restra pub tri an gwariow an Ordinali gans pymthek gwarier. Yma ynwedh Dyllans Studhyer hag a re dasskrif an dornskrif derowel ha notennow olldhalghus.
An lyver yw redyans essensek rag seul gans bern yn istori ha gonisogeth Kernow ha lien hag istori dramasek Breten Veur, rag tus gans Kernewek ha heb Kernewek.
