Description
“Amkan an ober ma yw presentya an Kanow ha Karolyow a hen Gernow dhe garoryon Kernow. A dhevedhyans teythyek yn brassa rann, an kanow ma yw rych yn melodi, rych yn lavar, rych y’n vardhonieth mayth yw an ilow demedhys dhedhi.” – JC Tregarthen
The Cornish Song Book: Lyver Canow Kernow, gans Ralph Dunstan, a veu dyllys gans Reid Bros Ltd., Loundres, yn 1929. Y feu dyllys yn-dann skoodhyans Fondyans Riel Kernow, Kowethas Kernowyon Loundres, An Keffrysyans a Gowethasow Kernow Goth ha’n Orsedh ha posek o yn lesranna ilow ha kan an werin a Gernow orth godhvos efanna. Yndella, sel an dasserghyans a honanieth wonisogethel Kernow o. Y’n dedhyow ma hwath yth yw kowethlyver a vri rag kuntelloryon ha hwithroryon kanow.
Hemm yw lyver kudhlen gales unnik a’n kynsa dyllans a’n kanlyver Kernewek a vri. Re beu pryntys arnowydh a’y lyver – hemm yw ensampel tanow a#n huni gwreydhyel. An lyver a yssyns komendyans gans an awtour ha sinys yw gans E.G. Retallack Hooper (Talek), bardh Gorsedh Kernow a 1932.
Komprehendys yn Rann I yw deg kan yn Kernewek (Dew Saw’n Myghtern, Bro Goth Agan Tasow, Can Kerth Tus Kernow Goth, Arta Ef a-Dhe, Dynergh dhe Dus a Vreten Vyghan, Kernow agan Mam-vro, Yeghes da dhe’n Myghtern Can Marghogyon Myghtern, Trelawney: Can Tus an Houlsedhes, Can an Pescadjor Kernewek, Sol-a-Brys) ha lies kan gans geryow Sowsnek. Komprehendys yn Rann II yw Karolyow Kernewek y’ga mysk Karol Sen Day ha Karol Dilly, keffrys hag Ilow orth Golyow Skol Sul, an “kriow” rag Kria Pennyarha moy, ow korfenna gans “Gras”Kernewek gans R Morton Nance.
Merkys yw an kudhlen yn nebes leow (gweladow y’n skeusen) ha kornellow an gudhlen yw damajys tamm, byttegyns an folennow a-bervedh yw yn studh bryntin. Ynwedh y syns ynno unn ynworrans A5 (skeusennys) ha tri A4 gans geryow kan erel.
