Description
Pennseythen Gernewek ’26 yw hwarvos tri dydh a dhy’Gwener an 17ves orth dy’Sul an 19ves a vis Ebrel. Puptra a vydh synsys yn Skol Nessa Mowysi Truru, Falmouth Road, Truru, TR1 2HU. Rag moy a vanylyon a-dro dhe’n hwarvos, y’ga mysk an dowlen, mir orth folen an hwarvos Pennseythen Gernewek ’26.
Amkan an Bennseythen Gernewek yw ri dhe Gernewegoryon ha studhyoryon chons dhe gowethya ha praktisya kewsel, goslowes ha skrifa an yeth yn fordh dhidhan hag yn kerghynnedh kowethasek heb stress. Rag meur a Gernewegoryon hemm yw an ughelboynt a hwarvosow an yeth restrys dres an vledhen.
An tokyn ma a yssyns amyttyans dhe bub klass hag aktivita y’n jydh dy’Sadorn, keffrys ha te ha koffi rag an hwarvos. Ynwedh y hyllir keworra li, kinnyow hag aktivitys an gorthugher.
Prisyow tokyn yw dell sew – £20 pris leun, £15 pris esel, £10 pris gober isel plus £5 rag li, £15 rag kinnyow ha £5 rag aktivitys an gorthugher. Mar pleg, dewis nivel dha Gernewekorth an Rekenva rag gweres restra an esedhogow.
Mar pleg, keworr edhommow boos arbennik vyth yn notennow an arghadow orth an Rekenva.
