Description
“Yesu a veu ynkleudhys
hag yn bedh a ven gorrys
gans Yosef ha tus erel:
y leveris ev ynwedh
dasserghi an Yesu dydh
y hwre pur wir heb fyllel.”
Resurrexio Domini (Dasserghyans agan Arlodh) yw dydh tri a’n Ordinali, tri gwari mysteri kresosel a’n 14ves kansvledhen dhiwedhes. Warbarth, yth yns i drama an kottha a Vreten Veur. Skrifys veu an gwariow yn Kernewek Kres, gans kevarwodhyow gwariva yn Latinek. Remenant an Ordinali yw Origo Mundi ha Passio Christi.
Skrifys yw an gwari yn 2,646 linen a wers, arrayys yn linennow a seyth ha peder syllaben. Y re akont a Ravnans Yfarn, an Dasserghyans, ha’n Yskynnans, gans Henhwedhel Sen Veronica ha Tiberius, mernans Pilate, livreson Joseph a Arimathea ha Nicodemus a brison, An Teyr Varia.
Resurrexio Domini a syns ynno an gwari leun y’n Furv Skrifys Savonek a Gernewek arnowydh, treylyans Sowsnek ha gid restra pub tri an gwariow an Ordinali gans pymthek gwarier. An Dyllans Studhyer a gomprehend dasskrif a’n dornskrif derowel ha notennow olldhalghus. Yma ynwedh Dyllans Kemeneth heb an notennow ha’n dasskrif.
An lyver yw redyans essensek rag Kernewegoryon ha studhyoryon an yeth oll.
