Description
“Dhywgh lavarav, ow dyskyblon,
pysewgh tooth da, oll keskolon,
Duw dres puptra eus a-ughon,
dhywgh y’n bys ma y ras dannvon,
y’n diwedh may fewgh selwys.”
Passio Christi (Passhyon Krist) yw dydh dew a’n Ordinali, tri gwari mysteri kresosel a’n 14ves kansvledhen dhiwedhes. Warbarth, yth yns i drama an kottha a Vreten Veur. Skrifys veu an gwariow yn Kernewek Kres, gans kevarwodhyow gwariva yn Latinek. Remenant an Ordinali yw Origo Mundi ha Resurrexio Domini.
Skrifys yw an gwari yn 3,242 linen a wers, arrayys yn linennow a seyth ha peder syllaben. Y tiskwedh Temptyans Krist y’n difeyth, ha’n hwarvosow a entra Jerusalem bys y’n Krowsyans, y’ga mysk an Passhyon. Hemma a bes heb goderrans y’n tressa gwari.
Passio Christi a syns ynno an gwari leun y’n Furv Skrifys Savonek a Gernewek arnowydh, treylyans Sowsnek ha gid restra pub tri an gwariow an Ordinali gans pymthek gwarier. Yma ynwedh Dyllans Studhyer hag a re dasskrif an dornskrif derowel ha notennow olldhalghus.
An lyver yw redyans essensek rag Kernewegoryon ha studhyoryon an yeth oll.
