Description
“Tas ha Mab ha’n Spyrys Sans,
Hwi a bys a leun golonn,
Re wrontyo dhywgh gras ha hwans
Dhe woslowes y Basshyon;
Ha dhymmo gras ha skians
Dh’y dherivas par lavarow,
May fo dhe Dhyw dh’y wordhyans,
Ha selwyans dhe’n enevow.”
Passhyon Agan Arloedh, aswonnys yn Sowsnek avel an Passion Poem po Mount Calvary, yw a-dhyworth an 15ves kansvledhen. Hwedhel yn gwers Kernewek yw a hwarvosow Passhyon Krist a dy’Sul Bleujyow dhe vyttin Pask, kemerys a’n peder aweyl gans keworrans a Aweyl Nicodemus. Gwirhaval yw yn dalgh orth Passio Christi, dydh dew an Ordinali, mes yth yw 259 gwers, pub onan gans peswar dewlinen ow rimya.
An lyver ma a yssyns dasskrif an dornskrif derowel, treuslytherennans yn Kernewek Kemmyn, ha treylyans Sowsnek ha notennow dhe les.
Lymnans an gudhlen a grows keltek gans Les Pierce yw selys war krowsow yn Bosvena ha Sankres. Golegys gans Ray Edwards ha dyllys gans Kesva an Taves Kernewek.
