Naw bledhen y feu dhyn gwerthji stag, Kowsva, yn Krestir, Resrudh, hag o sewen marthys. Y’n gwettha prys, degeans Krestir a skilas leheans dramatek a’gan daromres hag yn Gwynngala 2024 ni a erviras yn trist degea agan darasow.
Byttegyns, an chanj na a ros dhyn chons dhe hwithra fatel yllyn dri Kernewek dhe gemeneth efanna. A-dhia an termyn na, ni a dhisplegyas Kowsva-Viajya, an prevyans a’gan gwerthji kemeneth klys ow kwandra Kernow.
Yn le ahanowgh ow tos dhe Gowsva, Kowsva a dheu dhywgh!
Eus hwarvos dhywgh ragon? Ni a garsa dri agan stalla Kernewek dhywgh. Y hyllyn dos dhe hwarvosow a-ji hag yn-mes ha lowen on ni viajya dre Gernow oll, oll an vledhen. Mar mynnowgh agan gelwel, mar pleg kestevewgh orthyn.
