Ni a gar oberi gans agan kemeneth, yn hy mysk agan bodhogyon, kowethyansow erel ha’n poblek. Ottomma nebes an fordhow may hyllowgh kemeres rann.
Bodhegi
Yma Kowethas an Yeth ow hwilas bodhogyon splann!
Kowethyans Ynkorforys Alusennek on ni a fydh war vodhogyon dhe lenwel rannow divers hag a wra dh’agan ober pesya.
Yth eson ni ow hwilas bodhogyon rag an oberennow a sew:
Restra agan stallys Kowsva-Viajya orth hwarvosow, yn y vysk gorra yn-bann hag yn-nans an tylda (mars usi yn-mes) ha displetyansow, kewsel gans an poblek (yn tiwyethek, mars yw possybyl), gwertha lyvrow ha kovadha gwerthow
Skrifa dalgh a-barth An Gannas (erthyglow yn Kernewek) po Dalleth (korrdhyskansow, aktivitys hag asnodhow rag dallethoryon)
Junya an Konsel dhe gemeres rann y’gan ervira hag oberi, yn y vysk martesen gul rol sodhek
Junya onan a’n isvagasow (nyns yw res bos war an Konsel), kepar ha Dyllansow, Media ha Marghasans, h.e.
Gweres dhyn aswon hag ombrofya rag chonsow arghasans
Kevri tybyansow nowydh rag avonsya Kernewek
Mars eus bern yn bodhegi, mar pleg gwrewgh kestava orthyn ow teskrifa agas sleynethow perthynek (y’ga mysk nivel a Gernewek, peub wolkom) ha pyth a vynnowgh gul. Mars eus govynnow dhywgh, mar pleg gwrewgh govyn.
