An Kowethas a wra devnydh a arghasow dhyworth an eseleth rag skoodhya yn syth agan ober y’n yeth Kernewek. Pub person a ober a-barth an Kowethas a wra henna avel bodhek heb degemeres talas vyth. Arghans dhyworth an eseleth yw essensek, may hallo agan ober pesya.
| Prowyow | Esel Leun | Skoodhyer |
|---|---|---|
| An Gannas, agan Lyver Termyn Kernewek, war dha dreudhow, pub mis | ✔️ | |
| Dalleth, eth gweyth y’n vledhen, gans lavarow ha gwariow rag dallethoryon | ✔️ | |
| Klew! pub tri mis, agan lyther nowodhow gans nowedhyans a hwarvosow ha dyllansow | ✔️ | ✔️ |
| Nowodhow a dyllansow ha hwarvosow der ebost | ✔️ | ✔️ |
| Hedhas orth agan kemeneth WhatsApp gans spas dhe glappya ynter eseli yn Kernewek po yn Sowsnek | ✔️ | ✔️ |
| Diskont yn kever kost an Bennseythen, agan kuntelles bledhynnyek a dhyskoryon Kernewek ha kernewegoryon | ✔️ | |
| Hwarvosow may mettyowgh orth kernewegoryon ha dyskoryon po warlinen po enep dhe enep | ✔️ | |
| Chonsow dhe skoodhya an yeth dre vodhegi gans an Kowethas, ow ledya aktivitys hag esedhogow, ow kwertha lyvrow ha klappya Kernewek | ✔️ | |
| Skoodhyans a’gas ragdresow hwi dhe lesa devnydh a Gernewek – ow restra, r.e. bagasow keskows yn diwotti ha koffijiow | ✔️ | |
| Kuntellesow Bledhynnyek hag Arbennik, ha’n gwir a votya y’n kuntellesow na | ✔️ | |
| Chons a welas agas skrifow yn prynt – po yn An Gannas ha Dalleth, po yn lyvrow dyllys gans an Kowethas. Ha gweres gans gwerth agas lyvrow mars yns dyllys genowgh agas honan | ✔️ | |
| Hedhas a meur a lyvrow diwyethek ha Kernewek rag pub oos, dallethoryon, dyskoryon ha freth, warlinen ha yn bys kig | ✔️ | |
| Ober aral an Kowethas – ow kevri dhe gussulyansow ha hwithransow, hag owth oberi gans an Konsel, an Akademi ha bagasow erel rag avonsya an yeth | ✔️ | ✔️ |
| Eseleth leun gans An Gannas ha Dalleth y’n RU | £35 |
| Eseleth leun gans An Gannas ha Dalleth y’n RU (gober isel) | £15 |
| Eseleth leun gans An Gannas mes a’n RU | £45 |
| Eseleth skoodhyer (4*Klew!) | £10 |
| Eseleth teylu (a-ugh + £3 rag pub esel teylu moy) | |
| An Gannas ha Dalleth – dasskrifow pella | £18 |
Y hyllir junya der agan gwerthji warlinen omma po iskarga furvlen omrolya war-woles. Rag derivadow a-dro dhe eseleth, danvenewgh e-bost dhe [email protected], mar pleg.
Pub teyr bledhen, eseli Kowethas an Yeth Kernewek a ethol eseli Kesva an Taves Kernewek. Y fydh etholans dhe mis Kevardhu 2024 rag kesva 2025 – 2028.
