Description
Kernow ha’y Breselyow Ystorek (Kernow and her Historic Wars) a sett yn ewn an kovadh a vreselyow, rebellyansow ha batelyow niverus a hwarva yn istori ynter an Gernowyon ha’n Sowson. Piktour ‘pyncel ledan’ yw a’n hwarvosow meur y’n istori a Gernow, hwarvosow na veu bythkweth diskwedhys yn kors-dyski skolyow, yn lyvrow istori ‘sodhogel’ po y’n media, yn despit dhe bennfentynnyow kevos ow testa an gwyrionedh.
Nyns yw an lyver ma, ow tochya Rebellyans Kernow a 1497, Bresel an Lyver Pysadow po Sordyans an West a 1549, ha’n Bresel Civil a 1642-1646, piktour teg a oos idyllek may hwre an dhiw bobel dhe bub tu Dowr Tamar triga yn lowen hag yn kres an eyl gans hy ben.
Hwithrys yn fin gans Rod Lyon, skrifys y’n Furv Skrifys Savonek a Gernewek Diwedhes gans grafow hengovek ha dyllys gans Kowethas an Yeth Kernewek, an dyllans nessa ma yw 112 folen gans pennfentynnyow, keffrys ha mappys, skeusennow hag imajys erel yn gwynn ha du.
A-dro dhe’n kevres: Hwithra Istori yw kevres nowydh istori a-dhyworth Kowethas an Yeth, ow talleth gans Kernow ha’y Breselyow Ystorek gans Rod Lyon ha pesya dhe dhiskwedhes istori Kernow dre wedrik kernewek.
Noten: An lyver ma yw pryntys war worholeth hag a vydh danvenys yn tiblans a lyvrow erel prenys ahanan, ow kemeres tamm moy a dermyn dhe dhos.
