Description
“Res yw dhe lien Kernewek kavos fugieth avel hemma.” – Owain J. R. Holland
“Hwedhel kales dhe worra a-denewen pan vo dallethys.” – Ray Chubb
Nans yw hwegh bledhen, yn 2337, an sterlester Anethor 6 a dhallathas viaj hir ha pell yn efanvos dhe dhyski poran fatel usi an ollvys ow tisplegya.
Ny wodhyens kapten na mayni a Anethor 6 an pyth a wrussens i gweles yn efanvos down pan dhallathsons i an viaj: alyons kowethek ha breselek, planetys estren, tremenvaow is-efanvos may hylli stervarners viajya pellderyow hujes yn termyn pur gott, ha kyns oll fatel o efanvos y honan dyffrans yn tien dhe’n pyth a dhesevsons, gans taklow ena kepar efanvos, is-efanvos ha termyn kemyskys war-barth, dell veu prevys pan vons i tewlys, a-dhelergh dhe’n hwtegves kansveldhen ha dres moy es 180 bledhen-wolow a-ji dhe hanter our! Wel, henn o an pyth a hwarva – ha lies tra goynt aral, dell vydh kevys y’n lyver ma.
Gwaynyer Pewas Perghyryn 2016, y hwra lowenhe tus a gar aventurys skiens fug klassek, yn arbennik a Star Trek. An lyver a dorr dor nowydh rag Kernewek hag yma ynno gerva rag termys nowydh. Y talvia dhe’n redyer spena aga thermyn ganso.
Skrifys gans an bardh Rod Lyon ha dyllys gans Kesva an Taves Kernewek. 287 folen.
