Seythen Kewsel Kernewek

Seythen Kewsel Kernewek yw lowender bledhynnyek a’n Yeth Kernewek, ow ri dhe bubonan chons dhe gewsel boghes geryow a Gernewek. 

Pub bledhen, diwedhes yn mis Metheven, yma seythen gowal leun a hwarvosow rag oll an teylu grondys war nebes lavarennow kernewek (kepar ha ‘my a gar …’, ‘Ottani …’ h.e.) ha lies gwrians. 

Restrys gans an Rosweyth yw Seythen Kewsel Kernewek.

Yma Gwiasva, Twitter, Folen Facebook ha Bagas Facebook Seythen Kewsel Kernewek gans manylyon, gwydhyow, skeusennow ha nowodhow.