Description
Deg warn ugens bardhonek yn Kernewek, ha deg warn ugens treylyans Sowsnek, gans Lianne Wilson, Niwlen Ster.
A-dro dhe’n Lyver:
Gwedrow-Mires yw kuntel a vardhonogow skrifys rag Mis Skrifa Bardhonieth—aswonys gwell avel MiSkriBa—yn Ebrel 2023. MiSkriBa a jalenj prydydhyon dhe skrifa bardhonek pub dydh a vis Ebrel, 30 yn somm, gans kynigow dewisel dedhyek kevrennys dres an bys. Gwedrow-Mires a doch yeth, flogholeth, teknegieth, politegieth ha buluk war gorden. An kuntel a yssyns an kynnik a veu awen dhe bub bardhonek, keffrys ha notennow an awtour.
A-dro dhe’n Prydydh:
Lianne yw prydydh kernewek kwir anabel a dheu a Bow Pri, Kernow. Hi yw gwaynyer pewasow an Orsedh teyrgweyth, bardh an Orsedh yn-dann an hanow Niwlen Ster, ha hi re beu dyllys gans Aimsir ha Lyverva Vardhonieth Mankeynyon. An kynsa ger a Gernewek dyskys gensi, dell borth hi kov, o ‘stervarner’.
Prays rag Gwedrow-Mires:
‘Bardhonieth dhynamek, bedhek ha bewek.’ – Katrina Naomi
‘Kuntell gevothek a vardhonegow keherel yn-unn rehwanza heb mar vyth bywnanz, an keynvyz, ha pub tra.’- Tim Saunders, Bardh Gwerin
Noten: An lyver ma yw pryntys war worholeth hag a vydh danvenys yn tiblans a lyvrow erel prenys ahanan, ow kemeres tamm moy a dermyn dhe dhos ha drehevel an lytherdol mars yw prenys ryb askorrasow di-PwW.
