Description
Kevro a vri orth an bledhynnyow a-varr a dhasserghyans Kernewek. Robert Victor Walling re beu shyndys yn Pow Frynk yn Kynsa Bresel an Bys hag yth esa ev a’y wrowedh yn klavji ow studhya ha skrifa Kernewek. An lyver ma a syns ynno kopiow kewar a lyver termyn Walling, An Houlsedhas, askorrys yn tri dyllans a’y glavweli ha bythkweth gwelys kyns gans an poblek. Yma treylyans Sowsnek ha notennow gans bardh an yeth Kernewek Dr Stephen Gadd (Reskadinnick) ha bewskrif gans kyns Bardh Meur Ann Trevenen Jenkin (Bryallen).
“Hemm yw dyllans marthys. Dynyansek yw an dalgh. Yma kemmys a daklow ynno na aswonnis vy yn tien ha sur ov na aswonnas lies den aral. Pes da ov y fydh hedhadow lemmyn orth meur a Gernewegoryon hag orth skolheygyon keltek a-dro dhe’n bys dien.” – Gareth Parry (Mab Meliner Gwlan)
Dyllys gans Gorsedh Kernow ha Kesva an Tavas Kernewek. 140 folen, lymnys.
