Studh arghansel Kowethas an Yeth Kernewek re wellhas yn tramasek an vledhen ma dhyworth koll a £6 mil warlena dhe wayn a £6 mil hevlena.
Degemeryansow rag 2024-25 o £46m (heb REVIVE), le dhyworth £58m warlena. Byttegnys, warlena yth esa niver a daklow unweyth faverys – gront a £10m dhyworth Konsel Kernow, rohow unweyth hel ha nebes degemeryansow helergh dhyworth bledhynnyow kyns – heb an re ma, degemeryansow a via £42m. Ytho, degemeryansow rag oberyansow selvenek o £4m ughella hevlena.
Gwerthasow lyver a gressyas 18% ha gober dhyworth eselethow ha’n Bennseythen, an dhew, a gressyas 33%. Hemm yw agan brassa degemeryansow, dell dhiskwa an dressen a-woles kledh.
Talasow o £40k yn 2024-25 (heb REVIVE), le ages £64k warlena. Ni a wrug nebes talasow unnik warlena, aga somm £12k, y’ga mysk £9.5k rag kussulyans. Byttegyns, an hanter aral a’n iselheans yw erbysyon gwir. Ni a dhegeas agan gwerthji, Kowsva, a gostyas £7.5k warlena, ha y aslea gans gwithva sempel a gost £3k hevlena.
Kyn kressyas agan gwerthas lyver, an kostys hwarvedhys a iselhas yn tramasek – dhyworth £20k dhe £12k. Hemm yw yn rann awos kost pryntya iselhes, drefen ni dhe wul devnydh a ‘Lulu Print on Demand’ rag an brassa rann a’gan lyvrow nowydh, owth avoydya reknow prynt bras a-rag hag an edhom rag moy a withva. Ynwedh, ni a gleryas an kendon istorek rag lyvrow Kesva. Agan brassa kost, an rol wober, a besyas ogas ha’n keth ha hevlena.
Pythow Agan arghans y’n arghantti re gressyas dhyworth £32,700 dhe £38,814, ha’gan pythow ylyn (y’ga mysk lyvrow) dhyworth £36,685 dhe £41,936.
REVIVE Kowethas a dhegemeras ragtal a £90m dhyworth EU Horizon rag ragdres Revive. Hemma a vydh lowr rag provia arghans rag, dhe’n lyha, diw vledhen a’gan ober ragdres Revive: wosa henna, arghans a vydh keworrys dell vydh res. Drefen hemma, yma moy oker dhyn lemmyn. Wosa diwedh an ragdres yn 2028 y fydh moy arghans rag an Kowethas dhyworth ragdres Revive.
Gobrow Hemm yw agan brassa devedhyans gober yn 2024-25 (degemeryansow marnas talasow didro). Yma edhom a’n gobrow ma rag pe talasow kevrenek kepar ha roll wober ha surheans.
Warlena yth esa agan gobrow Gwerthas le ages £1m, hevlena moy ages £11m.
Nessa Bledhen An amkan yw daskavos an kostys rag Pennseythen 2026, drefen bos res dhyn pe rag ostyans. Ni a vynn ri rann a’gan argevrohow dhe Korrgrontys Medya, rag kennertha askorrans a wydhyowyow Kernewek berr. Mes, mar kyllyn ni synsi ughel gwerthas hag eseleth, ha mar pessya argevrohow, ni a wrussa gwell ages daskavos an kostys arta an vledhen a dheu.