Diwedhes yn mis Hedra, parys REVIVE dhiworth Kargront, Berlin hag Itali a dheuth dhe Gernow rag kuntel tybyansow rag aga gwiriansow troghyansek Kernewek.
Vodhogyon dhyworth kemeneth Kernewek a gevrennas yn gweythvaow androweyth yn Pensans, Lannbrobus ha Resrudh.
Yth esa esedhogow darasow ygor, le may fe chons rag dus a’n tria teknegieth troghyansek.
Myttinyow a veu passyes ow vysytya leow ha gul imajys gans sudron, kameras tri hans ha tri ugens gradh ha arhwilellow laser orth Lannsiek, Dons Meyn Bosskawen ha’n Moon Bras Kompes
Meur a dybyansow a veu dinythys ha’n re ma a vydh displegyes pella yn kevres a weythvaow, dre vras warlinen mes onan yn person dhe Gresen Kernow an 22ves a vis Du, wosa Dalva an Yeth Kernewek.