Agan gwethji warlinen re beu gwellhes rag:
- diskwedhes prisyow gwir (heb lytherdol RU)
- keworra charj rag tacklow fardel ha lytherdol dhe bub le oll y’n bys
- profya ‘Klyck ha Kemmer’ dhe stallow Kowethas a dheu ha Kowsva Pop-ups ynwedh
- keworra Eselethow
Y hyllir kuntel agas lyvrow, erghys kyns yn agan gwerthji warlinen, dhe’n Solempnita Kesva yn Lys Kernow, Fordh Treyew, Truru, TR1 3AY ynter 1 eur ha 4 eur dy’Sadorn 2a mis Du. Y fydh genen an efander a lyvrow rag prena ena dell yw usys.
Mars erghowgh hwi tramor, nyns yw edhom dhywgh na prena lytherdol keffrys ha lyvrow, na kewsel genen rag dismygi kost an lytherdol. Hwi a yll gweles agas charj danvon yn gwerthji warlinen pan wrewgh hwi agas arghadow.
Wortiwedh, hwi a yll junya an Kowethas yn es ha yn uskis der agan gwerthji warlinen omma po avel Esel Leun, gans lyvertermyn Kernewek misyek, po avel Skoodhyer Kernewek.
