Kowsva a wra dos dhywgh!

2nd August 2024 by melanie in Gwerthji Kowsva

Kowsva yn Krestir, Resrudh, re beu sewen bras dres an naw bledhen a-dhia hy ygeryans. Byttegyns, Krestir re dhegeas lemmyn ha’n niver a vysytyoryon dhe Gowsva re iselhas yn sevur. Res re beu dhyn aswon, yn trist, nag yw Kowsva sostenadow na fella, ha ny skoodh agan medras a dhri Kernewek dhe gemeneth ledanna.

Rag henna ni re erviras, leun a edrek, dh’y degea an 1a mis Gwynngala an vledhen ma.

Byttegyns, omres on dhe’n tybyans a Gowsva, hag yth eson owth oberi war dowlow yntanus a wra dri Kowsvaow ‘pop-up’ dhe randiryow leel a-dreus Kernow. A-der hwi dhe dhos dhe Gowsva, Kowsva a wra dos dhywgh! Ni a wra dri kedhlow pella dhywgh diwettha y’n vledhen ma.

Yn kettermyn, Kowsva yn Resrudh a wra synsi gwerth degeans, gans lies gwaren dhiskontys, dres hy diwettha tri dydh – an 30ves hag 31ves mis Est ha’n 1a mis Gwynngala.

Chons dhe gavos bargen ha leverel “Duw Genes” dhe gowethes dha.

Agas gweles ena!