An seythen eus passyes yth esa Fabrizio, Chris ha Luke diworth Story Lab, Anglia Ruskin University yn Kernow rag dadhla an ragdres REVIVE gans kemeneth Kernewek.
Ni a guntellas yn Penryn gorthugherweyth dy’Lun rag presentyans gans ledyer ragdres Fabrizio Galeazzi.
A-wosa, yth esa kevren yntredhon ha’n gemeneth yeth minoryta aral y’n ragdres REVIVE, kemeneth Griko. Kensa Broadhurst, Emma Jenkin ha Mark Trevethan a ros presentyans a-dro dhe Gernewek hag Ertach Kernewek. Dus a’n gemeneth Griko, kuntellys yn Puglia, Itali Soth, a ros presentyans a-dro dhe Griko hag Ertach Griko.
A-wosa yth esa pastiow ha te ha dadhlow hag ynwedh chonsyow a gavos eksperyansow troghyans gwiskys yn devis penn VR.
An para a vyajyas est dy’Meurth dhe Hwel Martyn ogas dhe sen Ostel ha west dhe Lyverva Morrab yn Pensans rag metya eseli a gemeneth Kernewek, ow provia chonsyow moy a gavos eksperyansow troghyans gans devis penn VR ha dadhla hwedhlow dhe-les. Tus a brederis a-dro dhe’n esperyansow a voghhahyn ni dres an ragdres ha’n gwriansow dhe les dhedha, ow votya war dresen gans ster.
Lemmyn yth eson ni owth oberi war-tu ha an nessa godrik REVIVE dhe Gernow yn peswora seythen mis Hedra.