A vynnowgh hwi kemeres rann an aventur yntanus ma?
Dasserghi yw ragdres Horizon Europe a deyr bledhen ledys gans Pennskol Anglia
Ruskin, ow tri war-barth hwithroryon ha kemenethow yeth rag hwithra fatel allo
media besyel troghyansek ha hwedhla ri gweres gans an dasserghyans a yethow
peryllys – ow fogella war Gernewek ha Griko (Puglia, Itali).
Yma edhom dhyn a vodhogyon rag diw rann yn shoppys ober ow hwarva dhyworth mis
Hedra 2025 bys yn mis Meurth 2026, yn Kernow ha warlinen:
Kes-furvyoryon ow kul hwedhlow kompellus a-dro dhe Gernewek
Godhonydhyon vurjes ow kovskrifa an argerdh avel aspioryon
Mars eus bern dhywgh yn an rannow ma, derivewgh dhyn erbynn 19ves a vis Gwynngala mar pleg. Po kowlwrewgh an form a-woles po danvenewgh an keth manylyon der ebost dhe Kensa Broadhurst [email protected].
Y fydh moy chonsyow a vodhegi diwettha dres agwedhow askorrans ha
diskwedhyans an ragdres.
Kostow vyajya a yll bos pes.
Kes-furvyor
Eus dhywgh hwedhel a-dro dhe Gernewek dhe leverel? Esowgh hwi owth usya
Kernewek yn ilow, dons, fylm, sport po aktivitys gonisogethel kernewek erel?
Eus passion dhywgh rag lesa Kernewek hag ynkressya y usyans ha gweladewder a-
dreus Kernow? Ytho ni a garsa hwi dhe vos omvyskys.
Avel furvyer, hwi a wra gweres gwruthyl hwedhlow kompellus a-dro dhe Gernewek, owth oberi war-barth gans NowHere Media, trygys yn Berlin. Hwi a wra dri agas skians a Gernewek ha gonisogeth gernewek, ha NowHere Media a wra konegeth deknegiethel ha prevyans a wruthyl hwedhlow troghyansek.
Yma edhom a 12-15 bodhek dres mis Hedra 25 dhe vis Meurth 26.
Y fydh NowHere Media yn Kernow dres unn seythen mis Hedra (seythen oe talleth 20ves mis Hedra). Yma edhom a vodhogyon a attendya unn hwelji awenek teythyek a-varr y’n seythen ma hag unn hwelji awenek oll a Gernow diwedhes y’n seythen ma (2 x 2 our). Y fydh ynwedh chons a hwithra an teknologieth yw profys dhyn ha gweles fatel re beu devnythys yn leow erel dres dydh a dhiskwedhyansow (kemmys ouryow dell vynnowgh hwi).
Y fydh hewgh hwelji moy rag dewis ha displegya tybyansow ha linyow hwedhel. An hweljiow ma a vydh a-dro dhe bub diw seythen dres mis Du, mis Kevardhu ha mis Genver (6 x 2 our). Nebes anedha a vydh yn bys kig ha nebes anedha a vydh warlinen. Rol dermynyow ha le a’n hweljiow ma a vydh settys diwettha gans an vodhogyon (po dydhweyth po gorthugherweyth, po yn bys kig po warlinen).
NowHere Media a wra dehweles dhe Gernow mis Meurth / mis Ebrel 2026 rag gorfenna an linyow hwedhel dewisys, tewlel aga askorrans ha, martesen, dalleth aga gwrians.
Godhonydhyon vurjes
Eus bern dhywgh yn hwithrans? A vynnowgh bos dyskys yn sleyneth nowydh? Eus
passion dhywgh rag lesa Kernewek hag ynkressya y usyans ha gweladewder a-dreus
Kernow? Ytho ni a garsa hwi dhe vos omvyskys.
Yma edhom a 3-5 bodhek rag mires orth an shoppys ober a wra hwedhlow kompellus a-dro dhe Gernewek, ow kweres dhe govadha ha dhe arvreusi an re ma. An shoppys ober a vydh yn Kernow ha warlinen.
Yma edhom a vodhogyon dres mis Gwynngala 25 dhe vis Meurth 26.
Mis Gwynngala 2025 y fydh dew hwelji trenyans. Ena hwi a wra kavos konvedhes s dybyansow ha methodys hwithrans gnasel kwalitatus; ha dyski fatel geskelm ethnologieth gans gul dydhlyver ha godhonieth vurjes; ha hwithra avisyow ethegel yn hwithrans yn-mes; ha praktisya teknegow skrifa dydhlyver rag aspians ha prederyans.
Y fydh NowHere Media yn Kernow dres unn seythen mis Hedra (seythen ow talleth 20ves mis Hedra). Yma edhom dhe vodhogyon a attendya unn hwelji awenek teythyek a-varr y’n seythen ma hag unn hwelji awenek oll a Gernow diwettha y’n seythen ma (2 x 2 our). Y fydh ynwedh chons a hwithra an teknologieth yw profys dhyn ha gweles fatel re beu devnydhys yn leow erel dres dydh a dhiskwedhyansow (kemmys ouryow dell vynnowgh hwi).
Y fydh 6 hwelji moy rag dewis ha displegya tybyansow ha linyow hwedhel hah y fydh edhom a wodhonydhyon vurjes ena ynwedh.
Testskrifow a kevrennyans a vydh res gans Pennskol Anglia Ruskin.
Form Bern Bodhek:
Yma moy kedhlow yn an skrif ma:
